كنت شاهدة منذ أقل من خمس دقائق على القاء القبض على سائق سيارة بي أم جديدة (خلنج). كنت أول منّي واصلة على قهوة سترابكس بساحة ساسين، وضعت أغراضي و هممت باخراج كتاب لأقرأه، اذا بي أسمع صراخا و أرى الناس يتهافتون (مش للهرب) للفرجة. صارت القصة كتير بسرعة لدرجة أنو ما شفت الّا الحرامي ممدد على الأرض و سلاح رجل بلباس مدني موجّه الى رأسه. مجموعة رجال بلباس مدني و عسكري تحلّقوا حول السيارة. لم نعرف ماهية الأمر في البداية، الكل ظن أنها محاولة قتل شي حدا مهم لأنو بصراحة السيار ة كتير غالية سعرها لا يقل عن ستين أو سبعين ألف دولار. بس طلعت الخبرية أنّو السيارة بداخلها سلاح كلاشينكوف و مسدس حربي وبندقية مع منظار و السائق مطلوب للعدالة وهو ما غيره زبون عند ستاربكس ويدفع للرجل الذي يهتم بصفّ السيارات أما المقهى كل ما بيجي 20 دولار(على ذمة الراوي). و لدى سؤال أحد رجال الأمن عن ماهية الأمر، اكتفى بالقول: شاهدوا نشرة الأخبار...
قال شو أنا بدّي سوسبانس.
2 comments:
طيب بلا ساسبنس، شو طلعت القصة، حبيت مدونتك على فكرة، اه وإنو عربيتك ما إشبا شي، بما إنو بتحبي الكتبن في نصيحة، وطوال وبيسللوا،
بيروت مدينة العالم، رواية 3 أجزاء، رح تحبيها
شكرا على الاطراء. على فكرة صرلي شي سنة بس بكتب بالعربي. خبروني عن هالكتاب، ناوية اشتريه و أقرأه.من شان القصة، اليوم قرأت بالجرائد أنه الذي توقف عليه 24 مذكرة قضائية(دعارة و مخدرات و سرقة...) الله يزيد و يبارك.
Post a Comment