خزعبلات

الناس وصلت عالمريخ و نحنا بعدنا عم نفكر ، له له شو عم نفكر، حرام التفكير، بعدنا عم ننصح بعضنا بأي رجل لازم ندخل الحمام!! اليوم دار حديث بهالخصوص على مائدة الافطار مما اثار امتعاضي داخليا أكيد. شو هالخزعبلات هيدي؟! ممنوع ذكر اسم الله بالحمام منعا باتا لأنو غير محبذ و كمان لازم الواحد يقول "أعوذ بالله من الخبث و الخبائث" و ما بعرف شو كمان، طيب اذا الله خلق الكون و مسيطر عليه متل ما بيقولوا ، وقفت عالحمام يعني؟ّ! بعدن كل هالهجوم على كلمة البابا، مش البابا تبعي، البابا تبع الكاثوليك، انو كل يوم و كل دقيقة بيطلع شيخ أو علّامة بينزل الحكي و التهديد و التهويل عن الكفار و المشركين(أكيد كل واحد منّو مسلم مشمول بالأمر) و ما حدا بيحاسبنا أو بيقلنا مرحبا، شو نحنا على راسنا ريشة؟!